ده واجب جايلى من عاقله عل ارض الجنون المشكله انه صعب اوىىىىىىى ربنا يستر هانحله بقى هانعمل ايه بدل ماتذنبنا ولا حاجه

انا عارفه انى متاخره فى الكتابه وفى حل الوااااااااااجب بس انا والله كنت عندى ظروف كتير
انا عارفه انى انقطعت عن المونه كتير اوى
بس انا بحاول اهو ارجع
المهو بقى الواجب المره دى صعب اوىىىىىى
اصعب واجب قابلته من ساعت واجبات الكيميا واحنا فى ثانوى
اصل انا كان فى عداوة بينى وبين الكيميا دى
يالا ماعلينا مش وقت عداوات شخصيه خالص
المهم بقى الواجب اللى انا بحله ده جايلى من عاقله على ارض الجنون
وانا هاحله اهوووووووو
ربنا يستر بقى
السؤال بيقووووووول
س1 اكتب 16 صفه عن نفسك

س2 اهديه لاصدقائك اللى انت تعزهم

احم احم
بسم الله الرحمن الرحيم
اجابه السؤال الاول:
1-انا بحس انى عصبيه شويه يعنى (شوفتى انا صريحه اهوو)

2-بيقولو انى طيبه بس مش عارفه بقى لو انا مش طيبه يبقى الغلطه غلطتهم...يبقو هم اللى بيضحكو عليا

3- انا بحب الناس اللى حواليا والقريبيبن منى جدا..وبخاف عليهم جدا جدا جدا جدا...لدرجه الرعب

4- لو حد اذى حد من الناس الى بحبهم ببقى حد تاااانى خالص...ممكن اكسر الدنيا

5-بحب القرايه جدا جدا جدا بلاقى نفسى فيها...بحب الكتابه جدا لانى بحس انى بحتاجها ما ببقى عايزة اطلع احساس معين جوايا ومش قادره اطلعه...احساس او شعور مش هاقدر احكيه...لانى انا بطبيعتى مش بعرف احكى او اشتكى فالكتابه بتساعدنى

6-انا بكره الزحمه جدا جدا....بحب الهدوء ...احب اقعد مع نفسى على شط البحر او فى وسط خضره ...المهم فى هدوووووء

7- انا بكره المذااااكره...مع انى بحب دراستى جدا واخترتها بمحض ارادتى بس مش بحب اذاكر....مش بعرف اقعد على الكتااااااب
وده بيزعل مامتى منى كتيييييييير

8- ده بقى عيب جديد جدا جدا...لسه مكتشفينه وقايلنلى عليه ...يعنى ه هايكون حصريا..(اكسكلووووسيييييف) بيقولو بقى انى بحب اتطوع بانى اعمل حاجات واشيل مسؤوليات مش بتاعتى اصلا...فبيوصل لمرحله ان بيبقى ده الطبيعى بالنسبه للى قدامى انى اعمل الحاجه دى...ولما معملهاش يزعل...وده بيزعل منى ناس وانا مش عايزاهم يزعلو فبحاول اتغير (;

9-قوة تحملى فى المواقف الصعبه الحمدلله عاليه...واقدر اتماسك لوقت طويل ...بس اول ما الموقف يخلص....بانهاااااار تماماD:

10-بهتم جداجدا برأى اللى حواليا وبتاثر باراء الناس جدااااااااااا.....وسهل تقنعينى بحاجه.....وبيهمنى رأى الناس فيا وفى تصرفاتى...ودى بقى فعلا بتزعل ناس منى بس انا بحاول اتغير بجد ...بس الموضوع صعب شويه محتاج منى وقت ومجهود

11-مش بعرف احكى لحد عن حزنى....لما بكون زعلانه من حد بجد .
.صعب اوى اقوله انى زعلانه منه...حتى لو فضل يسالنى وحلفنى...وده برده عيب خطير لانى بفضل شايله جوايا.
.وده برده بيزعل ناس منى...بس حاولت اتغير معرفتش بس لسه بحاول

12-انا بحب الاطفال جدااااااااااااااااااااااااا.......بموت فيهم....مش بحس بنفسى معاهم ......بقلب على عيالى شويه بس مش مشكله

13-بحب الكمبيوتر جدا...بحس انه حياتى فعلا.....بحب الالكترونياااااات جدا وبحب اعرف كل حاجه عنها واتابع تطوراتها....وهاقولها بقى ومش خايفه...مع الاعتذار لكل البنات اللى عارفه ان الكلمه دى هاتضايقهم...انا بكره الشوووووبيييييينج...بزهق منه جدا

14-بيقولو ان دمى خفيف.....بس اللى انا اعرفه انى انا بحب اهزر واغلس على الناس الللى بحبهم جدا...بالنسبه ليا الغلاسه = انى بحبهم
ولما بتحط فى موقف وابقى محرجه منه بحاول اغطى احراجى ده بالهزار

15-مش بحب حد يزعل منى خالص ..حتى لو ده كان على حسابى انا...حتى لو هاعمل حاجه محبهاش..او انى اضطر اعمل حاجه ..بس خاف اوى على زعل الناس اللى حواليا....احب ان الكل يبقى راضى عنى

16- اخييييييييييرا وصلنا لآخر صفه لانى بجد تعبت ....انا فيا عيب خطير جدا جدا....انى فيا مشكله رهيييييبه انى انا دايما لاول وهله الناس ممكن لو شافتنى من بعيد تحس انى سخيفه ويكرهونى بس الشعور ده بيختفى مع اول تعامل بجد...بالعكس بيرجعوا يعتذرولى على الانطباع الاولانى ده...
بس انا مشكلتى انى فى الاول فى اى تعامل مع ناس جديده لما حد يوجهلى كلام بتخض

سعات بادى انطباع انى مش عايزة اتكلم او انى مش عايزة ارد

او انى عايزة اكمل حاجه بعملها
زى ما كون بقول للى قدامى اسكت (; وفى ناس معينه عانت معايا فى الموضوع ده لو هم فاكرين يعنى :) :)
بس انا مش بيبقى قصدى فعلا بالعكس انا اجتماعيه جدا

الحمدلله كده السؤال الاولانى خلص
ياااااااااااااااه مسهل

اجاااااااااااابه السؤال التانى بقى:

اى حد يا جماعه بقى معدى على المدونه كده
ولو حتى صدفه واتكعبل فى التاج يبقى يحله
اصل انا جديده فى عالم التدوين ومش ليا اصحاب كتير اوى فمعرفش ناس كتير